A Glion an votantas e votants approvà oz cleramain a duas dumondas da credit:
Cun passa 78% ha il suveran ditg gea al credit supplementar per renovar la rait da vias da funs a Ruschein. Il project custa probablamain 1,5 milliuns francs dapli ch'ils 5 milliuns oriundamain previs il 2008. Duas terzas dal project aveva l'anteriura vischnanca da Ruschein anc pudì realisar. Il project ha entant però stuì vegnir adattà pliras giadas. La rait da vias da funs a Ruschein duain esser renovadas a fin entochen il 2025.
Ultra da quai han votantas e votants da Glion ditg gea al credit d'impegn per sanar il provediment d'aua a Siat. Var 84% han sustegnì il credit da 2,8 milliuns francs. La sanaziun urgenta da las funtaunas da Siat duai succeder en pliras etappas tranter il 2022 e 2027.