Siglir tar il cuntegn

Header

cuntegn

Surselva Glion: La residenza da vegliadetgna e sanadad po vegnir realisada

La dumonda da bajegiar duai vegnir approvada anc quest enviern. La residenza duai vegnir construida sin l’areal da l’anteriura scola professiunala da tgira sper l’ospital regiunal.

Glion survegn ina nova residenza da vegliadetgna e da sanadad. La regenza ha approvà ina revisiun parziala da la planisaziun locala ch'era vegnida concludida da la vischnanca da Glion ils 21 da matg 2017. Sin l'areal da l'anteriura scola professiunala da tgira dasper l'ospital regiunal a Glion duai vegnir construida ina residenza da vegliadetgna e da sanadad. Per realisar quest project, ha la zona d’edifizis publics stuì vegnir midada en ina zona centrala quartier d’ospital.

Claustra veglia vegn mantegnida

Pervia da l'impurtanza architectonica-istorica dals edifizis duai la substanza istorica vegnir tractada spezial. Uschia vegn era la claustra veglia da las soras Dominicanas mantegnida ed integrada en il project.

Il project

La Nocasa SA da l'investider Norbert Candinas vul realisar quest project. Per la surbajegiada vegn fatg quint cun custs da radund 30 milliuns francs.

Planisà èn 55 abitaziuns, il project duai vegnir realisà dal biro d’architectura da Conradin Clavuot a Cuera. La dumonda da bajegiar quinta Candinas da pudair inoltrar l’entschatta da l’auter onn.

RR novitads 10:00

Artitgels legids il pli savens