Siglir tar il cuntegn

Header

Legenda: Il medi da chasa da Glion Hans-Ueli Fuchs e la nova media Vera von Dortmont. mad
cuntegn

Glion Nova pratica da medi communabla en l'ospital vegl

A partir da l’onn che vegn duai dar ina pratica communabla en il bajetg vegl dal Spital regiunal Surselva. En ina emprima fasa vegn la pratica sustegnida dal medi da chasa da Glion, Hans-Ueli Fuchs. A partir dal 2022 vegn alura la media Vera van Dortmont a sa domiciliar en las localitads novas.

Las lavurs da renovaziun duajan vegnir fatgas en la segunda mesadad da quest onn. Sco l’ospital regiunal scriva saja ina da las ideas da la purschida nova, da pussibilitar a medias e medis giuvens in access simplifitgà a la medischina da medis da chasa, senza stuair purtar il ristg organisatoric d’ina pratica singula. Era duai vegnir fatga uschia lavur da piunier per ina rait da sanadad en Surselva ed uschia segirar il provediment medicinal da basa e d’urgenza tras medis da chasa a lunga vista, scriva il Spital regiunal Surselva en ina communicaziun a als medias.

Nizzegiar sinergias

Planisà è che las medias ed ils medis pon nizzegiar las sinergias che l’ospital vischin porscha. Uschia possian spezialistas e spezialists vegnir consultads en cas da basegn, ma era l’infrastructura sco servetschs da radiologia u da labor possian vegnir nizzegiads a moda persistenta ed effizienta. Las pazientas ed ils pazients duajan dentant vegnir tractads da las medias en la pratica communabla nova a moda independenta.

audio
Per tadlar - curt e cumpact
01:10 min, RTR Audio dals 21.07.2021.
laschar ir. Durada: 01:10 minutas.

RTR novitads 12:00

Artitgels legids il pli savens

Scrollar a sanestra Scrollar a dretga