Siglir tar il cuntegn

Header

cuntegn

Glion Ospital regiunal fa perdita da 1,4 milliuns francs

Budgetada è stada ina perdita da 600'000 francs. Effectivamain èsi lura stà 1'400'000 francs l'onn 2022, ha l'ospital regiunal rapportà. Da finanziar ses manaschi saja «extremamain pretensius».

Diversas problematicas

  • Per ina saja la cuvrida finanziala da tractaments ambulants insuffizienta. Perquai ch'igl ha er dà dapli cas ambulants, saja er la perdita pli gronda. En tut hai dà en il sectur entradas da 11,74 milliuns francs.
  • En il sectur staziunar hai dà 20,23 milliuns francs. Malgrà ch'i ha dà dapli cas staziunars, è quai 400'000 francs pli pauc che 2021.
  • Las contribuziuns dal maun public sajan plinavant radund 600'000 francs pli pitschnas.
  • Las expensas per il persunal sajan s'augmentadas per 6,8%. Quai giascha vi da la chareschia e la mancanza da persunal qualifitgà.
  • Er ils pretschs d'energia sajan stads pli auts.

En tut saja la marscha tar 0,42%, ina differenza marcanta cumpareglià cun il 2021 (8,5%).

audio
Per tadlar: las novitads da las 11:00
ord RTR Audio dals 12.05.2023.
laschar ir. Durada: 3 minutas 4 Secundas.

RTR novitads 11:00

Artitgels legids il pli savens