Per chattar ina soluziun haja dat ils 4 da matg in inscunter tranter tut ils pertutgads a Glion. Sut la batgetta dal president da regenza Christian Rathgeb han discutà ina delegaziun chantunala, ils commembers da la direcziun da l’ospital regiunal e las collavuraturas ed ils collavuraturs dal 144.
Per la regenza è la situaziun clera: I sa tractia dad «ina situaziun difficila» tar la centrala dal clom d’agid e «mesiras a curta vista èn urgentamain necessarias».
Mesira immediata: Sabine Weiss maina il 144 a Glion
A partir dad immediat trametta la regenza a Sabine Weiss, la responsabla per ils fatgs da salvament tar l'uffizi da sanadad, a Glion per manar la centrala dal 144. Quai fa ella ad interim, ensemen cun las persunas responsablas per l’ospital e cun il team da la centrala 144.
Mesira a media vista: il 144 va tar il 117
A media vista integrescha la regenza la centrala 144 en la centrala d'acziuns 117 da la polizia chantunala a Cuira. L’argument: i saja difficil da chattar «persunas dal fatg adattadas a Glion per manar la centrala 144». En pli dettia sinergias en chaussas localitads e tecnica, ma surtut correspundia questa integraziun ad ina tendenza naziunala da fusiunar centralas d’acziun.
La regenza metta ina fin a la crisa tar il 144 a Glion
En ultim temp ha dentant cumenzà da sa manifestar ina crisa. Ils servetschs da salvament, ch'ageschan a moda autonoma en il chantun, ed ils medis da servetsch na sa tegnevan para savens betg vid las ordinaziuns da la centrala operativa, uschia che quella haja pudì far nagut. La crisa è sa culminada il cumenzament da matg cura ch’il timun dal 144 e sia substituta han visà lur plazzas.
Uss ha la regenza fat valair sia autoritad e decidì la fin da la centrala dal clom d’agid tar l’Ospital a Glion. Cun questa decisiun van a perder las 8,7 plazzas a Glion e l'istorgia da la centrala da clom d'agid 144 a Glion va a fin.
RR novitads 10:00+
