Siglir tar il cuntegn

Header

Navigaziun

Visualisaziun da la residenza da seniors e da sanadad
Legenda: Visualisaziun da la residenza da seniors e da sanadad. MAD
cuntegn

Glion Residenza da seniors ha survegnì lubientscha da bajegiar

La vischnanca da Glion ha dà la lubientscha da bajegiar a la residenza da seniors e da sanadad. Il bajetg duai vegnir construì gist sper il spital regiunal.

Encunter il project era vegnì inoltrà trais protestas: Duas èn puspè vegnidas retratgas. Sur da la terza ha la suprastanza da Glion gì da decider. La suprastanza communala ha renvià questa protesta. Quella decisiun po anc vegnir tratga vinavant a la Dretgira administrativa. Avant ch'ins po cumenzar cun la construcziun dal bajetg sto la Nocasa SA, ch'è la projectadra dal object anc preschentar il plan co l'access e las installaziuns sin il plaz da bajegiar èn planisadas.

60 abitaziuns e custs da var 35 milliuns francs

Il project cumpiglia la construcziun da circa 60 abitaziuns per seniors en in nov edifizi ed ina chasa da medis en il bajetg da l'anteriura claustra da mungias. Ils custs per l'entir project èn calculads cun radund 35 milliuns francs. Cura ch'ins vul cumenzar da bajegiar, n'han ils planisaders dal project betg vulì communitgar.

RR novitads 06:00