La residenza S. Giusep a Glion è construida a fin. Las abitaziuns en il bajetg marcant sper l'ospital regiunal da la Surselva e l'anteriura claustra da las soras dominicanas èn preparadas.
Bleras sfidas
Per l’emprima giada era il project vegnids preschentads l'onn 2015. Il matg 2017 ha la populaziun da Glion approvà la midada necessaria da la planisaziun locala e l'avust 2019 ha gì lieu l’emprima badigliada per il nov bajetg. L’anteriura claustra da las soras dominicanas da Glion n’ha betg dastgà vegnir stgarpada giu sco quai ch’i era stà planisà oriundamain.
Abitaziuns èn tschertgadas
En il nov bajetg dasper l'ospital ed en l’anteriura claustra da las soras dominicanas èn vegnidas stgaffidas tut en tut 81 abitaziuns da dus e mez enfin quatter e mez stanzas. Enfin l'emprim termin da retrair las abitaziuns cun l’entschatta avrigl, èn gia prest 80% da las abitaziuns occupadas.