Glion: Success per citad da paraulas

Per la 11avla giada è la citad veglia da Glion vegnida transfurmada en ina citad da paraulas. Blers uffants en vegnids.

Sco l'organisatura Rita Epp ha ditg a Radiotelevisiun Svizra Rumantscha èn quest onn var 400 uffants stads a Glion cun lur geniturs. Cun quai hajan ins anc ina giada pudì augmentar il dumber per rodund 80 uffants en cumparegliaziun cun l’onn passà. Ins haja era fatg dapli reclama che usità e quai saja probabel ina raschun ch’i haja gì dapli visitaders.

Per l’emprima giada han era las butias gì avert quella dumengia. Sche quai ha era carmalà natiers dapli glieud che usità na sappian ins anc betg dir, declera Rita Epp. En mintga cas è ella fitg cuntenta ed i vegnia era a dar il proxim onn la citad da paraulas a Glion. La data è ils 3 da december 2017.