Siglir tar il cuntegn
cuntegn

Surselva Glion-Val: 800 meters cubic grip sin la gallaria

Gist per quests eveniments èn las gallarias fatgas.

Circa 800 meters cubic material èn crudads sin la gallaria.
Legenda: Circa 800 meters cubic material èn crudads sin la gallaria. RTR, Linus Livers

La dumengia avantmezdi hai dà ina crudada da grippa da circa 800 meters cubic tranter Pitasch e Glion, sur las gallarias da la Val da Riein. Sco quai che l'inschigner geolog Florian Donau ha ditg, èn var 400 meters cubic restads sin la gallaria e var 400 meters cubic èn crudads en il Glogn. Per la via tranter Val e Glion ha quai gì naginas consequenzas.

Il pli grond toc ch’è vegnì aval è in mir da protecziun pli vegl, ch'existiva gia avant che la gallaria è vegnida bajegiada. Entras la crudada da crappa èn ussa trais pigns uschè libers, ch'ins sto forsa pinar els. Quels dis vegn examinà pli detaglià questa val, per pudair giuditgar sch’i dovra ulteriuras mesiras.

RR novitads 17:00