La regenza Grischuna ha approvà in project da via a Glion. Concret vai per meglierar il traject tranter la rundella Glion Vest e Grüneck – in traject da passa 500 meters lunghezza. Il project custa totalmain 6 milliuns francs. La gronda part dals custs surpiglia il Chantun.
Vitiers è previs da meglierar la situaziun per ils peduns e las pedunas sin questa via e per augmentar la segirezza. A la garascha Spescha fin tar la fin dal project è previs in passape. E la fermada da posta existenta vegn spustada sin la Via Sontga Clau. La vischnanca da Ilanz/Glion paja 1,4 milliuns francs – surtut per ils passapes e las fermadas dal bus. En il rom da la lescha davart l'egualitad da persunas cun impediments paja il Chantun 52'800 francs vid las fermadas da posta.