Quintà avevan ils responsabels che 40 enfin 50 persunas nizzegian la pusseivladad da laschar virolar senza s'annunziar ordavant. 140 persunas èn stadas a laschar vaccinar. Quai ha manà a temps da spetga da enfin duas uras. Cecilia Vincenz ch'è responsabla per il center da virolar en il Spital Regiunal da la Surselva ha confermà ch'els sajan vegnids surprendì dal dumber da glieud.
A curta vista na saja betg stà pussibel quella saira da recrutar dapli persunal per dar dumogn a la massa. L'atmosfera saja tuttina stada buna e la glieud haja gì chapientscha per la situaziun. Cun quai che la dumonda saja stada uschè gronda organisescha il ospital il proxim venderdi saira ina secunda acziun da virolar. Sco Cecilia Vincenz ha ditg, cun trais giadas dapli persunal che la davosa emna. Uschia duai il temps da spetga vegnir reducids ni en il meglier cas schizunt vegnir impedids.