Il nov cudesch da sur Martin Bearth è ina schelta da radund duamilli predis ch’il plevon ha tegnì durant ses onns da pastoraziun. Cun il cudesch vul sur Martin Bearth purtar glisch e la buna nova. Uschia èn naschidas las 404 istorgettas.
Gia il segund cudesch
Per el saja quai stà ina surpraisa che l’emprim cudesch cun il titel «Sin vias e sendas tras dis e onns» saja vegnì vendì quasi 800 giadas. Quai haja motivà da scriver anc in segund cudesch, di l’augsegner ch’è pensiunà e viva oz a Mustér.
Puspè cun ils maletgs d’Andrina Derungs
Sco gia l’emprim cudesch ha era il segund cudesch illustraziuns da la giuvna artista da Danis Andrina Derungs. Tenor sur Martin possian ins savens dir dapli cun in maletg che cun pleds. Gidà cun il lectorat han ultra da quai Gabriel Derungs e sur Giusep Venzin.
Mintga istorgia ha anc in patratg persunal
Las istorgias che sur Martin raquintà èn curtas e pregnantas. Ellas èn u raquints ni era schabetgs capitads da l’um da 85 onns. Mintgina da questas istorgettas vegn anc commentada cun in patratg persunal.
RR actualitad 11:00