Siglir tar il cuntegn

Header

cuntegn

Surselva Gnanc la Loipa Sez Ner è averta

La loipa sin il Sezner sa chatta sin 2000 meter sur mar. Ella è la pli auta Loipa en Surselva e quest onn n’è ella betg vegnida preparada perquai ch’i n’ha betg avunda naiv.

Oriundamain avess questa loipa 8 kilometers. Ì fiss stà pussaivel da preparar ella, dentant be sin ina lunghezza da 200-300 meters e quai na fetschia nagin senn ha Werner Tannò, il responsabel da la vischnanca Lumnezia per las loipas ditg a Radiotelevisiun Svizra Rumantscha.

Sper la mancanza da naiv, èsi era sta la dumonda da segirtad che ha sfurzà la vischnanca da decider da betg preparar questa loipa. Per pudair far cursa lunga sin questa loipa ston ils curriders vegnir transportads cun bus fin sin l’alp Sezner. Questa via e privlusa pervia dal glatsch ch’i dat sch’igl è bun’aura durant il di fraid la notg. Werner Tannò, manegia che per quest enviern sappian ins betg pli far questa loipa. La Lumnezia è uschia en buna cumpagnia. Las Loipas da Trun a Mustér e da Sagogn èn serradas. A Trin è avert sulettamain in tschancun. I fa dentant surstar che perfin la pli auta loipa da la Surselva la loipa Sezner sin 2000 meters na po betg vegnir preparada.

Dapli da Surselvaavrir la Landingpage

Nach links scrollen Nach rechts scrollen