Siglir tar il cuntegn

Header

L'albiert cun ustaria Rössli a Versomi.
Legenda: L'albiert cun ustaria Rössli a Versomi. RTR, C. Albin
cuntegn

Surselva Grond engaschament per mantegnair il Rössli a Versomi

La possessura dal Rössli tschertga ina cumpradra da l’albiert. Quai cun il sustegn da l’organisaziun da turissem e da la vischnanca.

La possessura da l’albiert Rössli a Versomi, Bea Hofer, va encunter ils 70. Perquai vul ella surdar il manaschi ad ina persuna giuvna. Quai n’è dentant betg simpel. L'interess da cumprar in tal bajetg en in pitschen vitg muntagnard n’è betg grond.

Jolanda Rechsteiner
Legenda: Jolanda Rechsteiner RTR, C. Albin

Differentas emprovas durant ils davos 3 onns n’han betg gì success. Perquai ha ella dumandà Jolanda Rechsteiner, la manadra da fatschenta da Val Stussavgia Turissem e da la Pro Stussavgia, per agid.

Cun il sustegn da l’organisaziun da turissem, da la vischnanca e d’in marosser d’immobiglias spezialisà sin objects da gastronomia, èsi uss gartegià da chattar ina cumpradra seriusa. Il contract da cumpra duai vegnir firmà il proxim temp.

RTR/al

Artitgels legì il pli savens

Nach links scrollen Nach rechts scrollen