Las prognosas da l’aura curt avant l’agrischa eran miserablas. Blera plievgia e schizunt naiv. Quai n’ha dentant betg disturbà la glieud ed ella à vegnida en rotschas.
Circa 15’000 persunas han visità la fin d’emna passada l’agrischa, sco il president dal comité d’organisaziun Curdin Foppa ha confirmà a RTR. Els han vis ina exposiziun multifara cun blers animals, maschinas agriculas, ina fiera cun pli che 30 stans e musica e divertiment en pliras tendas.
Dapli
In dals puncts culminants è stà il til festiv la dumengia. Bunamain 30 gruppas, uniuns èn defiladas tras la citad da Glion ed han divertì plirs millis aspectaturs. Il motto dal tira era «100 onns Uniun purila Surselva» e tranter auter èn vegnids preschentadas maschinas agriculas dals davos decennis.
