Siglir tar il cuntegn

Header

cuntegn

Surselva Gruppa d’interess per halla da glatsch a Flem

Ils adversaris da la surbajegiada «Nature Retreat Prau la Selva» a Flem, han fundà ina gruppa d'interess. Quella duai elavurar alternativas tar il project che la vischnanca ha preschentà per la halla da glatsch.

audio
Mezdi: Flem gruppa d'interess cunter surbajegiada Prau la Selva
ord Actualitad dals 19.12.2017.
laschar ir. Durada: 2 minutas 30 Secundas.

Sco Stefan Ueltschi dal club da hockey da Flem ed iniziant da la gruppa d’interess ha confermà ad RTR saja la finamira principala da la gruppa d’interess da mantegnair il center da sport a Prau la Selva. Els na veglian betg cumbatter projects turistics per principi – quest resort na sa chattia dentant betg en il dretg lieu.

Il project prevesa da rumper giu il center da sport. Las activitads sportivas promovian dentant il svilup da persunas giuvnas e quellas na pudessan betg vegnir fatgas pli, uschia Ueltschi. Ed era per il club da hockey da Flem muntass la fin da la halla da glatsch a Flem era gist la fin da l’uniun suenter radund 70 onns.

Communabel cun ils hockeyans cumbattan era il club da tennis da Flem ed il club d’ir cun scursalets da Flem per mantegnair e renovar la halla da sport a Prau la Selva. Gia proximamain veglian ins preschentar emprimas propostas concretas, ha ditg Ueltschi.

RR novitads 09:00

Artitgels legids il pli savens