Sco emprima gruppa da teater d’uffants sa participescha la gruppa da Mustér ad ina Biennala svizra dal teater d’amaturs, che ha lieu quest onn ils 15 e 16 d’october a Sagogn. La gruppa da Mustér sa preschenta cun il toc «Pulit e carin ei stau, ei vargau – cu mattatschas sedostan!». Il toc tracta la istorgia da duas gruppas, ina da quatter giuvnas ed ina da trais giuvens, che campeschan en in guaud. Sa chapescha ch'i na cuzza betg ditg e las duas gruppas vegnan en ils chavels ina a l’autra e la dispita entschaiva.
Da 90 minutas sin 60
Il toc original cuzza circa 90 minutas, per la producziun a Sagogn ha la reschissura Christina Bundi dentant stuì scursanir il toc sin 60 minutas. I na saja betg simpel d’emprender da nov il toc, l’abreviaziun saja tenor las acturas ed acturs dentant gartegiada bain. In ulteriur problem è, ch’ina da las acturas è returnada en il Portugal e possia pir vegnir enavos en Svizra per l’emprova generala che ha lieu l’avantmezdi avant la producziun a Sagogn. Ils uffants e la reschissura èn dentant era persvadids, che quai na saja betg in grond problem. Cun 120% engaschi gartegia era quella producziun.
RR actualitad 08:00
