Siglir tar il cuntegn

Header

cuntegn

Gudogn per 2020 Bun onn da gestiun per Spital regiunal Surselva

Il dumber dals pazients e da las pazientas ambulantas è puspè creschida al Spital regiunal Surselva. Il 2020 ha quel tractà passa 12'100 persunas a moda ambulanta.

Il Spital regiunal Surselva ha fatg l'onn da fatschenta 2020 in gudogn. Quai gudogn da radund 316'000 francs saja da valitar sco bun, en vista al temp da pandemia, scriva l'ospital. L'onn da fatschenta 2019 era il gudogn stà bunamain il dubel aut.

Mitschads cun in egl blau

Il retgav staziunar è sa reducì il 2020 – quai pervi da 114 cas pli pauc che l'onn avant. En connex cun las mesiras per cumbatter la pandemia da Covid-19 hai numnadamain dà nagins tractaments betg urgents durant ils mais mars ed avrigl. Ultra da quai è er la stagiun da skis vegnida terminada pli baud. La consequenza èn entradas pli bassas da var 800‘000 francs. Sco il Spital regiunal scriva, è l'ospital mitschà il 2020 cun in egl blau e quai grazia al sustegn dal chantun e l'engaschi da las collavuraturas e dals collavuraturs.

audio
Per tadlar - curt e cumpact
ord RTR Audio dals 07.05.2021. Maletg: MAD
laschar ir. Durada: 1 minuta 11 Secundas.

RTR novitads 12:00

Artitgels legids il pli savens