Gudogn per la vischnanca da Mustér

Il quint 2016 da la vischnanca da Mustér serra cun in surpli d'entradas da radund 246'145 francs ed in cash-flow da 2,77 milliuns francs. En total ha la vischnanca nudà entradas da 15,25 milliuns francs.

vista sin la claustra da Mustér Bild in Lightbox öffnen.

Legenda da maletgs: Il cussegl da vischnanca da Mustér ha approvà il quint 2016. ANR, Hans Huonder

Il quint d'investiziuns serra cun expensas da 1,8 milliuns francs ed entradas da 463'000 francs. Las grondas investiziuns èn vegnidas fatgas en il center da sport e cultura, l'avertura dal quartier Caschuarz II (Via Nova), da remplazzar l'illuminaziun publica sco er il project per segirar la Val Acletta.

Il cussegl da vischnanca ha approvà il quint sco era il rapport da gestiun ed il quint d'investiziuns 2016. Plinavant ha il cussegl decidì da conceder 193'000 francs per reveder parzialmain la planisaziun locala.

RR novitads 06:00