Siglir tar il cuntegn

Header

video
L’ovra cumpletta dad Alfons Tuor
Or da Telesguard dals 16.11.2015.
laschar ir
cuntegn

Surselva Ha Alfons Tuor scrit claras u caras stailas?

Quai è stà il punct da partenza per edir la lirica cumpleta d’Alfons Tuor, ha l’autur dal cudesch Renzo Caduff ditg dumengia a la vernissascha a Rabius.

El ha chattà la gronda part dals manuscrits en in relasch privat d’ina persuna che ha era num Alfons Tuor. Il cudesch cuntegn sper las poesias e las variantas er in commentari, fotografias e brevs.

Surlavurà poesias

Renzo Caduff ha ditg che quai saja stà ina bella experientscha, ma i saja stà in temp intensiv d’edir quest cudesch. Fascinant saja per el co che Alfons Tuor lavurava vid sias poesias, co ch'el scriveva ina emprima versiun e publitgava forsa quella e co ch'el surlavurava ella e publitgava ina segunda giada.

Impurtant d'edir quest cudesch

Leo Tuor, il scrivent che deriva dal medem vitg, di ch’i saja fetg impurtant d’edir quest cudesch, pertge che lura legia la glieud el. Senza Alfons Tuor n'avess el forsa mai scrit.

Il moderatur Otmar Seiler cun Leo Tuor e Renzo Caduff (da senester)
Legenda: Da san: Il moderatur Otmar Seiler cun Leo Tuor e Renzo Caduff. RTR, H. Giger

Artitgels legids il pli savens

Scrollar a sanestra Scrollar a dretga