Siglir tar il cuntegn

Header

cuntegn

Surselva Hotel sin plaz da ballape a Vella vegn

La vischnanca Lumnezia vul sclerir quant realisabel ch'igl è da bajegiar in hotel sin l'areal da sport Bual a Vella. Ella ha incumbensà ina firma che duai sclerir il svilup da la vischnanca en vista a plirs projects turistics ch'èn sin rucca.

Sur las chasas dil vitg da Vella presenta il cumplex dal nov hotel
Legenda: Uschia savess il hotel sur il vitg da Vella vesair ora mad

L'idea per in hotel a Vella era naschida l'onn 2012 entras Rolf Traxler ch'ha realisà la nova chasa da tgira a Vella. Venderdi saira ha el preschentà a la populaziun da la Lumnezia ses plans per in hotel cun 80 letgs e var 20 abitaziuns. El discurra d’investiziuns da 40 milliuns francs. Il concept dal hotel saja in hotel d’uffants per creschids e vi da quai na saja midà nagut, di Rolf Traxler.

Biro d’architectura da Berlin

Ed anc insatge impurtant resta numnadamain che il biro d'architectura da David Chipperfield a Berlin segna per l’architectura. Quella collavuraziun ha da far cun il fatg che Rolf Traxler lavura gia ensemen cun Chipperfield e quai per la chasa d'art a Turitg.

Emprims osps il 2018

Ils plans co vinavant en ambizius. La fin da quest onn duai la midada da la zona da sport en ina zona per hotels vegnir fatga. Davent dal 2016 discurran ins gia d'ina lubientscha da bajegiar ed il 2018 duain ils emprims osps vegnir, quai sch’i dat nagins impediments.

RR novitads 7:00

Artitgels legids il pli savens