Siglir tar il cuntegn

Header

cuntegn

Surselva Hotel Waldhaus cun debits da bunamain 41 milliuns francs

En la procedura da concurs dal Hotel Waldhaus a Flem èsi entant cler che las pretaisas dal crediturs muntan a total 40,7 milliuns francs. Quai ha confermà l'uffizi da concurs dal Plaun.

Ins partia dal fatg che las pretaisas dals crediturs da la prima e segunda classa - sco ils lavurants e la cassa da dischoccupads - possian vegnir pajads enavos cumplainamain. Quels da la terza classa possian quintar cun ina dividenda. Quant auta che quella è na saja però grev da stimar, uschia l'uffizi da concurs.

L'hotel da 5 stailas aveva deponì sia bilantscha l'entschatta avrigl.

Fatschentas van actualmain bain

Actualmain giajan las fatschentas dal hotel però bain, ha ditg il schef da la societad da salvament Gion J. Fravi a la «Südostschweiz am Sonntag». Uschè bain ch'el quinta da pudair vender il hotel anc quest onn, quai muntass ch'i na dess nagin ingiant. I dettia era investiders, ils nums na vul Fravi però betg tradir.

RR novitads 11:00 / 17.08.2015 - 10:00

Artitgels legids il pli savens