Hotel Waldhaus: Era collavuraturs tutgan tar ils perdents

Plaunsieu èsi cler tgi che sperda tar il concurs da l’hotel Waldhaus a Flem. En emprima lingia èn quai ils acziunaris che han pers passa 10 milliuns francs. Ussa èsi dentant era enconuschent ch’ils collavuraturs perdan.

Hotel Waldhaus a Flem Bild in Lightbox öffnen.

Legenda da maletgs: Cumenzament d'avrigl ha il cussegl d'administraziun dal hotel Waldhaus stuì deponer la bilantscha. RTR. L. Livrers

Ensemen cun l'uffizi da concurs Plaun èn las pretensiuns da vart dal persunal vegnidas registradas. Uschia èsi era sa mussà che las collavuraturas ed ils collavuraturs da l’hotel Waldhaus ston desister sin sururas e vacanzas ch’èn pli veglias che 4 mais. Mo en il cas ch’ins chattia in cumprader che paja avunda per l’hotel pon questas sururas e vacanzas vegnir pajadas als collavuraturs, ha Daniel Füglister il manader da l'hotel e da nov era manader da la societad da salvament per l’hotel Waldhaus ditg ad RTR.

Daniel Füglister Avrir maletg en lightbox.

Legenda da maletgs: Daniel Füglister, mander da l'hotel. RTR, L. Livers

Suenter ch’il hotel Waldhaus ha stuì deponer sia bilantscha, èsi vegnì fundà ina societad da salvament per l'hotel. Uschia n’han ins betg stuì relaschar ils 120 collavuraturs. L'hotel Waldhaus vegn avert sco planisà ils 22 da matg 2015. Parallel vegn tschertgà in cumprader.