I resta quiet en Val Stussavgia

En la Val Stussavgia na datti er en il futur nagins trenaments da charrar sin naiv per autos. Uniuns da l'ambient e la vischnanca han muventà ina firma interessada da retrair la dumanda da bajegiar.

Ina mamma gioga hockey cun ses dus uffants. Bild in Lightbox öffnen.

Legenda da maletgs: Da quests trenaments èn vinavant pussaivels. Keystone

La fin d'avust era quella vegnida inoltrada tar la vischnanca per ina zona datiers da Versomi. Questa zona sa chatta dentant en ina cuntrada cun muntada naziunala e datiers d'ina zona da protecziun per selvaschina. Plinavant na fiss il project betg ì a prà cun la strategia turistica d'in turissem miaivel, ruassaivel e persistent, uschia scrivan las organisaziuns Mountain Wilderness, la Fundaziun Svizra per la protecziun da la cuntrada sco era las secziuns grischunas da Pro Natura e WWF.

Problem n'è betg schlià

Malgrà che las organisaziuns da l'ambient scrivan d'ina decisiun en favur da la natira e da la cuntrada, fan ellas er attent ch'il problem na saja betg schlià. Ils ultims onns hajan adina dapli constructurs d'autos vulì offrir a lur buns clients eveniments da charrar en cuntradas d'enviern. Ellas numnan per exempel il «Schottensee» al pass dal Flüela ch'ina marca d'autos tudestga ha nizzegià fin avant paucs onns e quai senza avair ina basa legala sufficienta.

RR novitads 11:00