Siglir tar il cuntegn

Header

audio
Per Ida Sgier è far paun ina passiun
Or da Actualitad dals 06.08.2020.
laschar ir. Durada: 05:52 minutas.
cuntegn

Ida Sgier «Far paun è mia passiun»

Dapi 25 onns fa Ida Sgier da Lumbrein paun en furn da laina. Ina passiun che pretenda blera savida ed er bler temp.

Il furn appartegneva a las famiglias Caminada. Cun ils onns era el dentant ì en decadenza. Uschia ha la famiglia regalà il furn a la vischnanca cun la cundiziun ch’el vegnia mantegnì. 1995 è il furn restaurà vegnì inaugurà. L’entschatta faschevan pliras dunnas paun en il furn, ozendi è Ida Sgier la suletta che dovra el.

Mesirar la temperatura cun farina

Coier paun en in furn da laina pretenda tscherts trics. La laina sto avair la dretga mesira, la temperatura mesiran ins cun mirar, quant spert che la farina vegn brina, lavar ora il furn fan ins il meglier cun aua chauda, per ch’el na sa sfraidia betg. Tut quai ha Ida Sgier emprendì u da las antecessuras, da pasterners e pasterneras u cun l’experientscha.

video
Far paun sco dantruras
Or da RTR Social dals 06.08.2020.
laschar ir

RTR actualitad 11:00

Artitgels legids il pli savens

Scrollar a sanestra Scrollar a dretga