I giaja per debloccar structurqas cumplitgadas tranter las scolas, uschia Martin Mathiuet ch'ha cusseglià las vischnancas sco persuna externa. Actualmain han ils mainascolas da contrahar cun trais cussegls da scola e per il stgalim superiur vegn anc in quart cussegl da scola vitiers.
Midada per Sagogn e Schluein
A sa midar vegness be insatge per ils uffants da Sagogn e Schluein: Las scolettas sco era l'emprima e segunda classa primara restassan en il vitg sco fin ussa. Ils scolars e las scolaras da la terza e quarta classa dad omadus vitgs avessan dad ir a scola a Sagogn. Quels da la tschintg- e sisavla classa giessan a Schluein a scola. Per ils transports fiss pervis ch'il consorzi nov metess a disposiziun in bus da scola.
Decisiun croda il december
Sch'i va tenor las vischnancas duai la populaziun vegnir infurmada en quatter sairas d'informaziun e gia il december duain las radunanzas communalas decider davart il nov consorzi da scola communabel.