Ils da Surrein èn vegnids en rotschas per guardar co che l’illuminaziun publica vegn envidada per l’emprima giada uffizialmain en lur vitg.
Ils uffants han surdà cun lampiuns simbolicamain la glisch al president dal vischinadi, Otto Deplazes. El haja plaschair che Surrein haja finalmain chazzolas da via «La pli gronda part dals vischins da Surrein han spetgà vess sin quai» manegia el.
A Surrein eran ins endisà ch’igl era fitg stgir dad ir per las vias e ch’ins passava main vart en ina rusna u paltaun. Uschia hai lura magari num ch’i gievi era senza ma las chazzolas sajan ina buna chaussa. I dat dentant era persunas ch’avessan pli gugent desistì da las chazzolas. Uschia perdia il vitg ina part da ses caracter singular e las chazzolas sezzas sajan da cler n’era betg insatge bel.
Interess d’en ed ordaifer il pajais
Ch’in vitg n’ha betg ina illuminaziun publica è per blers strusch chapaivel.
Uschia ha ina giuvna da Surrein ch’è durant l’emna a Turitg, che la glieud gnanc cartevi ch’i dettia uschia insatge. Uschia na fai era betg surstar che medias naziunalas dentant era dad auters pajais han rapportà da Surrein che ha duvrà pliras emprovas durant prest 40 onns fin ch’i ha dà chazzolas da via. Las visitas dals schurnalists sajan stadas divertentas, di Otto Deplazes.
RR actualitad 08:00
