Siglir tar il cuntegn

Header

Coni Lerchi prepara paun cun paira.
Legenda: La gronda part dal brunch prepara la famiglia Lerchi sezza. RTR, F. Caduff
cuntegn

Surselva Il brunch tutga tar il 1. d’avust sco l’imni u rachetas e vulcans

Tgi che va ad in brunch dal 1. d'avust, sa legra sin paun, traschola, plattas cun chaschiel, ovs, charn e bleras autras bunas chaussas. Ma basta, fin ch‘ins po giudair uschè in brunch, datti ordavant anc bler da preparar. Sco era pel brunch sisum Flem, a Scheia sin il Lerchihof.

Sin il Lerchihof èn ins amez las preparativas pel brunch dal 1. D’avust. La stalla è pulida, las maisas per las sur 400 persunas èn era gia prontas. Mo la decoraziun ed il buffet mancan anc en la stalla.

E la gronda part da quai ch’i dat la sonda al buffet, ha la famiglia Lerchi fatg sezza. Dal paun cun paira enfin al jogurt e la confitura, tut è fatg sez.

Blers mauns gidan a preparar

Il brunch vegn organisà da la famiglia Lerchi, l’Uniun da musica Flem e la gruppa da gimnastica ils Saleps. Sustegn datti però era da la vischnanca da Flem.

E ussa, in di avant il brunch, ha cumenzà il spurt final. Las uniuns sco era la famiglia Lerchi èn vi da las ultimas lavurs. E lavur datti anc avunda.

Artitgels legids il pli savens

Scrollar a sanestra Scrollar a dretga