Siglir tar il cuntegn

Header

cuntegn

Surselva Il Campadi Ogna è in pass vinavant

La Campadi Trun SA po cumenzar a bajegiar il nov Campadi Ogna. Sco il president communal Dumeni Tomaschett ha ditg a RTR, haja il chantun Grischun dà la lubientscha da construir il bajetg principal cun ustaria.

Las offertas per quel sajan gia vegnidas. Uss stoppian els calcular tut. Previs èsi da cumenzar a bajegiar la fin d’avust. Il campadi nov custa 3,5 milliuns francs. Finanzià vegn quel sco suonda: Emprest Nova politica regiunala 810'000.00 (chantun Grischun/confederaziun), contribuziun à fonds perdu dal chantun Grischun 135'000.00, emprest da la vischnanca da Trun passa 2 milliuns francs e chapital d’aczias da la vischnanca da Trun 560'000.00.

Cura ch’il bajetg principal è finì, vegn anc l’ulteriura infrastructura finida sco per exempel la chasa cun las installaziuns sanitaras ed il parcadi.

Artitgels legids il pli savens