Il toc cun il num "La melodia absoluta" è vegnì cumponì spezialmain per il festival. Tut ils 36 chors chantan ensemen, quai vul dir pli che 1'000 uffants e giuvenils sin tribuna. Ina sfida tut speziala per ils chors sco era per ils dirigents.
Il chorical raquinta l'istorgia da Ursina, ina mattetta rumantscha da Mustér. Durant ina spassegiada chatta ella in crap cun segns nunenconuschents. Ella scuvra che quai è ina part d'ina melodia mistica e cumenza a tschertgar las autras parts da la chanzun. Il concert è la sonda saira, ils 16 da matg a las 19.30 uras en il center da sport e cultura a Mustér.