Il club da skis da Castrisch festivescha quest onn ses 50avel anniversari. Ord quest motiv ha il club organisà in suentermezdi da kino per ils commembers. Guardà han els il film «Eddie the eagle», il film sur da l'Englais Michael Edwards che ha fatg furora als gieus olimpics d'enviern 1988 a Calgary en la disciplina siglir cun skis. En quest film è il logo dal Club da skis Castrisch vesaivel sin ina maschina da pista, ina veglia maschina dal club.
Vendì la maschina 2014
Il club ha cumprà la maschina l’onn 1995 e puspè vendì ella 2014 a Cuira. La maschina che aveva il logo dal club da skis sin las portas, è lura sco i para vegnida vendida en Pologna, detagls n’èn dentant betg enconuschents. La maschina da pista è pia ida en emblidanza, enfin ch'in commember ha vis l’onn 2016 il film «Eddie the eagle»... ed en quest film ves'ins grond e bel la veglia maschina da pista cun il logo dal Club da skis Castrisch.