Surselva - Il coiffeur dal center transitoric per requirents d'asil
Samuel Jambo è in dals requirents d'asil a Laax el Rustico. Il giuven um da 22 onns, oriunds da l'Eritrea, ha emprendì da coiffeur e taglia ils chavels als auters requirents el center.
Samuel Jambo ha anc mai lavurà sco coiffeur ordaifer l'Eritrea. Sche pussaivel, vul el lavurar vinavant sco coiffeur era en Svizra. Per chattar differenzas tranter coiffeurs en l'Eritrea ed en Svizra, ha RTR accumpagnà el tar Clau Wieland, ch'è coiffeur a Mustér.
Differentas tecnicas
Suenter avair mussà in a l’auter co els taglian chavels, han els constatà pliras differenzas. Els han autras tecnicas da lavurar ed era las maschinas vegnan duvradas en differentas modas. Dentant è per omadus cler, coiffeur resta coiffeur. I na importa betg, en tge regiun dal mund ch’ins taglia chavels.
1 / 3
Legenda:
Clau Wieland observa Samuel Jambo durant la lavur.
RTR, C. Albin
2 / 3
Legenda:
Cun ina nezza da far la barba taglia Samuel Jambo las conturas.
RTR, C. Albin
3 / 3
Legenda:
Ils utensils da lavur. Sanester las maschinas e forschs da Clau Wieland, dretg la maschina e la forsch da Samuel Jambo.
RTR, C. Albin
