Siglir tar il cuntegn

Header

cuntegn

Surselva Il cristal da passa 300 kg da Luis e Damian Curschellas

Ils dus frars da Sedrun han chattà blers e bels cristals e minerals. Ina pitschna part han els era exponì a la bursa da cristals la fin d’emna passada a Mustér. Là han 65 expositurs da l’entira Svizra preschentà lur exemplars.

Luis e Damian Curschellas van dapi passa 40 onns ensemen per cristals. En quests onns han els chattà plirs gronds furns:

1986 en Val Val

1996 il grond en Val Giuv

2003/04 en Val Giuv

2010 en Val Giuv

2017 en Val Cavradi

audio
Saira: Bursa da cristals – las istorgias dals Curschellas
ord Actualitad dals 05.08.2019.
laschar ir. Durada: 3 minutas 54 Secundas.

La sensaziun en Val Giuv

Surtut il furn da 1996 è stà ina sensaziun. En tut han ils dus frars chattà en quel ca. 2000 kg cristals. Il grond da passa 300 kg è exponi en la fatschenta da sport Curschellas a Sedrun. La sfida saja stada da prender ora tut la tocca entira cun metter quella sin aissas e transportar quella sin palettas a val cun helicopter (tschintg sgols).

RR actualitad 17:00

Artitgels legids il pli savens