Siglir tar il cuntegn

Header

video
Simon Jacomet cun ses nov ski – il pli persunal
Or da Telesguard dals 09.10.2020.
laschar ir. Durada: 3 minutas 54 Secundas.
cuntegn

Il fundatur da Zai Simon Jacomet cun ses nov ski – il pli persunal

En ses lavuratori a Rabius è tut pront per producir, inclusiv duas maschinas grondas. Ils skis novs sajan fatg fin la proxima stagiun d’enviern e vegnan a custar var 2'000 francs.

audio
Simon Jacomet fundescha sia terza firma da skis
ord Actualitad dals 23.09.2020.
laschar ir. Durada: 3 minutas 2 Secundas.

Il pass sur sasez

Avant passa in onn ha Simon Jacomet bandunà Anavon Ski, la firma successura da Zai. Uss producescha el puspè skis. Sch’ins fetschia insatge nov saja quai ina buna chaschun d’empruvar ora era novas chaussas.

Ord las experientschas ch’jau hai fatg avant hai jau ditg: Jau vuless far il pass da far tut sur mamez.
Autur: Simon Jacomet producent da skis
Ils emprims skis èn fatgs
Legenda: Ils emprims skis èn fatgs RTR, Hubert Giger

El haja dentant il cletg, ch’ina persuna sustegnia el da vegnir sur sasez, perquai che las maschinas sajan tuttina ina investiziun che dovrian agid a l’entschatta, di l’um da 57 onns che ha fatg la matura en il gimnasi a Mustér e studegià art a Firenza.

Part da ses lavuratori a Rabius fan duas maschinas grondas. Ina fa la lavur da pressar cun stgaudar (sin 130 grads) e sfradentar aua. Uss possia el lavurar sin il 100avel millimeter. El veglia producir skis per la pista e la naiv entira. La finamira saja ch’els tegnian uschè ditg sco pussaivel. Ses skis hajan cuvridas fitg grossas ed ils chantuns sajan pli lads e pli gross. Impurtant saja era la paisa, e là lavuria el cun lains novs. Sia marca nova da skis èn las inizialas da ses num: JS.

Ed alura sun jau endisà da lavurar cun las fibras da carbon, e qua emprov jau era novas chaussas.
Autur: Simon Jacomet

Far ch'i tanscha da viver

Sch’ins fetschia insatge nov, giajan ins adina da quai anora ch’i funcziuneschia. Impurtant saja dentant ch’el n'haja betg pli il squitsch da quantitad (cun lavurar sur sasez) sco quai ch’el aveva avant.

Mia finamira: Jau vuless far ch’i tanscha per viver ed i sto gnanc esser dapli.
Autur: Simon Jacomet

RTR actualitad 17:00

Artitgels legids il pli savens