Per meglierar l’infrastructura hajan els gì duas ideas, di Simon Lutz. El è il president da l’uniun sportiva Schluein Glion. Ina idea saja stà da construir dus bancs da reserva novs visavi la tribuna per ils giugaders da reserva, l’autra da metter giu in pastg artifizial.
Almain 80 voluntaris
Quai chaschuna dentant blera lavur. Els stoppian engaschar almain 80 voluntaris, di Simon Lutz, surtut per ex. era per guardar dal traffic.
Gieu amicabel cun agid da giugaders externs
In’attracziun sajan ils trenaments dal HSV ed alura surtut il gieu amicabel tranter il club da ballape da Hamburg e l’equipa indigena. Quella vegn rinforzada da giugaders da ballape da Domat, Tusaun e dal principadi dal Lichtenstein. Il gieu amicabel è sonda, ils 2 da fanadur, a las 18.00. Suenter pon ils preschents anc guardar vinavant ballape cun il quart final dal champiunadi europeic.
RR actualitad mezdi