Siglir tar il cuntegn

Header

cuntegn

Surselva Il luf fa quitads als purs da nursas lumnezians

Sut il vitg da Vella a Bual sut èn radund 400 nursas gia sin la pastgira. Il sistem da prechargiar ils animals ha tradiziun.

Per intgins mais èn radund 400 nursas sin las pastgiras giu sut il vitg da Vella avant ch'ellas partan per ir sin l’alp Scharboda.

Prechargiar las nursas a Bual sut ha tradiziun

audio
Bunura: Suenter la palusa bletscha uss il luf che fatschenta
ord Actualitad dals 15.05.2017.
laschar ir. Durada: 2 minutas 56 Secundas.

Il sistem da prechargiar las nursas sin questas pastgiras a Bual sut è in vegl sistem. Ina cuminanza da purs ha affittà quellas pastgiras da la vischnanca Lumnezia per pudair chargiar lur nursas pli baud.

Las nursas a Bual sut vegnan pertgiradas d’in pastur. Dapi dus onns è quai in pastur che ha er chauns da protecziun encunter il luf.

Chauns da protecziun – uss dapli che mo casualitad

Beat Bundi maina la cuminanza da Bual sut. Sco quai ch'el ha ditg a RTR saja quai plitost stà casual, ch'il pastur ha er chauns da protecziun. Cun las activitads dal luf en Surselva il davos temp sajan els dentant cuntents, ch'ils chauns èn qua. Sco protecziun cunter il luf vegn la muntanera chatschada uss mintga saira ensemen cun ils chauns en in claus.

Suenter la palusa bletscha fa il luf tema als purs

Ils purs da nursas n'avevan betg simpel ils davos onns pervi ch'els han stuì cumbatter tar lur animals la malsogna dad unglas palusa bletscha. Uss para quella dad esser sut controlla, sco quai ch’il veterinari Erwin Vincenz ha attestà. In pur ha lura manegià, che persuenter stoppian els ussa s’occupar dal luf.

RR actualitad 08:00

Artitgels legids il pli savens