Siglir tar il cuntegn
cuntegn

Surselva Il mir dal lai da Sontga Maria semova levet

Il lai da Sontga Maria al pass dal Lucmagn è il grond sisum la Surselva. El semova mintg’onn per ca. 8 cm e quai saja normal, ha Bastian Otto, l’expert per mirs da fermada tar l’Axpo, ditg al Radio Rumantsch. Il motiv principal è la temperatura e la pressiun da l’aua.

Il lai da Sontga Maria al pass dal Lucmagn.
Legenda: Il lai da Sontga Maria al pass dal Lucmagn. RTR, H. Giger

Sco en auters lais da fermada fan collavuraturs da l’Axpo era qua controllas regularas, tranter auter per mesirar la pressiun da l’aua, las temperaturas dal betun ubain deformaziuns dal mir. Dapli controllas ha quai dà durant ch’il tunnel da la Neat è vegnì construì. Lura ha l’Axpo constatà che la val è sa slargada per 7 millimeters, quai saja ina pitschna deformaziun che n'haja fatg nagin donn al mir, uschia Bastian Otto.

Il lai da Sontga Maria cuntegna 67 milliuns meters cubic aua cura ch'el è plain. Il mir è 117 meters aut e 560 meters lung sisum la cruna. El è vegnì construì da 1965 – 1967.