Siglir tar il cuntegn

Header

Il nov center da cumpras a Schluein.
Legenda: Il nov center da cumpras a Schluein. RTR, C. Albin
cuntegn

Surselva Il nov center da cumpras «Isla» a Schluein ha avert sias portas

Sin ina surfatscha totala da bunamain 4'000 m2 vendan pliras stizuns tut quai ch'i dovra per il mintgadi.

Il center da cumpras cumpiglia

  • 1 stizun da chalzers
  • 1 drogaria
  • 3 fatschentas da victualias
  • 1 fatschenta da commerzi en detagl
  • ed 1 pasternaria.

El sa chatta tranter Glion e Schluein en la zona d’industria da Schluein. Per ils clients stattan a disposiziun 180 plaz da parcar.

video
Impressiuns center da cumpras Schluein
Or da RTR dals 10.03.2016.
laschar ir

Nagina fermada da traffic public

Ina fermada da bus per il traffic public n’è dentant betg planisada. Tenor plirs pledaders da las fatschentas preschentas en il center da cumpras n’è quai betg necessari. La gronda part dals clients vegnia cun l’auto privat a far las cumissiuns.

Era perquai ch’il client tipic d’in tal center cumpria per ordinari pliras chaussas en pliras fatschentas. Las fatschentas veglian l’emprim mirar co la situaziun sa sviluppeschia e lura decider sch’els veglian far ina dumonda per ina tala colliaziun cun il traffic public.

Sortida da la via chantunala nagin problem

Il traffic en la zona d’industria a Schluein vegn pia a crescher. Era perquai che las fatschentas survegnan lur rauba cun camiuns. Tenor l’uffizi da construcziun bassa dal chantun n’è quai dentant betg in problem.

Plan da situaziun dal nov center da cumpras.
Legenda: Plan da situaziun dal nov center da cumpras. RTR

Avunda plaz

Enturn il center da cumpras haja quai avunda plaz, e la sortida da la via chantunala per entrar en la zona d’industria na stoppia betg vegnir adattada. Tenor il pledader da l’uffizi Elia Lardi vegnia la situaziun dentant tegnida en egl. Sche la situaziun sa midass, vegniss il chantun ad analisar da nov la situaziun. Da la medema opiniun èn era las fatschentas dal center da cumpra.

RR Actualitad mezdi 11:00

Artitgels legids il pli savens

Scrollar a sanestra Scrollar a dretga