Siglir tar il cuntegn

Header

Radunanza da las pendicularas Surselva, davos il president Martin Hug.
Legenda: Radunanza da las pendicularas Surselva, davos il president Martin Hug. RTR, H. Giger
cuntegn

Surselva Il pass da skis Surselva custa 2,5% dapli

Il motiv da l’augment saja che bleras pendicularas fetschian grondas investiziuns, ha il president da pendicularas Surselva Martin Hug ditg a la radunanza generala.

Per la proxima stagiun d’enviern auzan las pendicularas da la Surselva la tariffa per il pass da skis Surselva. In pass per giasts creschids custa 923 francs cumprà avant ils 30.06.15, cumprà suenter quest datum 972 francs. In indigen paja 804, respectiv 846 francs.

L’enviern 2014/15 na saja stà bun, ha Martin Hug ditg. La naiv saja vegnida tard, e surtut las fins d’emna haja il sulegl mancà. Allura na vegnan ils giasts dal di. Il resultat è in minus tar ils giasts da 2,7%, cumpareglià cun l’enviern avant. Tar il pass da skis Surselva resulta in minus da 10%.

Artitgels legids il pli savens

Scrollar a sanestra Scrollar a dretga