Il president Stefan Schmid è sceptic

Sch’i va tenor la 7132 SA duess la revisiun dal plan da zonas vegnir en votaziun gia la fin da l’onn 2015. Il president da vischnanca da Val, Stefan Schmid, è sceptic.

Purtret da Stefan Schmid, il president da Val s. Pieder Bild in Lightbox öffnen.

Legenda da maletgs: Stefan Schmid vul dar als vischins dapli temp da ponderar davart la tur da 380 meters autezza. RTR, L. Livers

I fissi stà pussibel, mo la nova situaziun pretendia in nov agir, fa Stefan Schmid valair. La suprastanza da Val s. Pieder ha vesì ils plans per la tur da Val l’emprima giada ensemen cun la populaziun.

Las ponderaziuns per la planisaziun da zonas fundamentalas eran gia fatgas. Mo ussa datti novas dumondas, numnadamain quellas che pertutgan spezialmain la tur.

La dimensiun da l’hotel cun 380 meters autezza pretendi che la 7132 SA stoppia l’emprim sclerì detagliadamain la geologia da quella regiun ord il motiv ch’ina part dal fundament da l’hotel sa chatta en la zona da protecziun per la funtauna d'aua minerala da Val s. Pieder.

8 garaschas d’autos avant la chasa Tomül che furman in agen condomini. Avrir maletg en lightbox.

Legenda da maletgs: Avant che reveder la planisaziun da zonas sto vegnir sclerì e reglà il possess da questas garaschas, quai pretenda la... RTR, L. Livers

Per far la revisiun da la planisaziun vegn giavischà da la 7132 SA ch’ella sclereschia e regleschia la situaziun da possess. Il terren nua ch’il nov hotel vegniss bajegià na s’auda numnadamain betg sulet a la 7132 SA.

La vischnanca giavischa che las dispitas tranter ils differents possessurs vegnan regladas per ch'il plan da zonas saja ina chaussa schubra.