Sco giuven um ha Tarcisi Cadalbert (1943-2003) bandunà la patria en direcziun Turitg. La ha el entschet a picturà davent dals onns 1960. El malegiava oravant tut per far visibel ses sentiments, profund ord l'olma che saja magari era pulit pesonta, di la figliola Eveline Spescha ch' è era inizianta da l'exposiziun che cumenza oz a Sevgein.
En tut han Eveline e ses um Armin Spescha tscharnì trais lieus per exponer ils maletgs ord il relasch. Maletgs ch'ins po era cumprar. Cun il recav less la fundaziun possibilitar a giuvens artists da sa presentar.
Ina part da l'exposiziun è en la baselgia da Sevgein, l'autra en la scola ed ina terza en l'ustria Cauma.