Il temp sa mida e nus cun el

Cun ses roman «L’umbriva dil temps/Der Wandel der Zeit» fa l'autura Paula Casutt-Vincenz in viadi enavos en in temp mistic e ditg passà.

Cuverta dal nov cudesch da Paula Casutt-Vincenz. Bild in Lightbox öffnen.

Legenda da maletgs: «L'umbriva dil temps / Der Wandel der Zeit» è il nov cudesch da Paula Casutt-Vincenz. RTR

Paula Casutt-Vincenz è oriunda da Breil e viva cun sia famiglia a Falera. L'onn 2005 è vegnì or ses cudesch da poesias «Muments / Augenblicke» cun illustraziuns dal pictur artist Guido I. Tomaschett. La dunna da 49 onns ha frequentà ina scolaziun da «scriver litterar» ed gughegià uss da far il pass da scriver in roman.

L'istorgia

Raquintà vegn l'istorgia da la giuvna Durana che fa ina visita a sia amia Anna a Falera. Durant las spassegiadas tras il Parc la Mutta capitan chaussas misteriusas. Durana vegn stratga enavos en il temp da bronz nua ch'ella para dad avair sia segunda vita, bunamain in'existenza en la sumbriva.

Il sumbrival dal temp passà s'avra e dat invista en la vita da mintgadi d'in mund da pli baud. Durana resta mo in’emna a Falera tar sia amia. Ma en quel temp datti intginas midadas impurtantas en la vita da las duas dunnas.

RR actualitad 08:00