Siglir tar il cuntegn

Header

6 persunas cun palpiri cun si 419
Legenda: L'iniziativa è reussida cun 419 suttascripziuns. RTR, Reto Pfister
cuntegn

Ilanz/Glion Iniziativa per midar constituziun communala è reussida

A Glion duai la constituziun communala vegnir revedida totalmain. L'iniziativa è reussida cun 419 suttascripziuns ch'ils iniziants han surdà la gievgia als responsabels da la vischnanca.

Cun ina votaziun dal pievel vulan ils iniziants laschar decider la populaziun davart il sistem politic da la vischnanca dad Ilanz/Glion. Ina dumonda centrala è, sche la vischnanca duai en l'avegnir avair in parlament pli pitschen ch’ussa, ubain sch’ins vul returnar tar la radunanza communala che bleras fracziuns avevan avant la fusiun.

Plinavant duai vegnir reponderada la posiziun dal sistem da direcziun en vischnanca e la pussaivladad dad introducir departaments per commembras e commembers da suprastanza, di Roman Cantieni, in dals iniziants.

audio
Intervista cun Roman Cantieni, in dals iniziants
aus Actualitad vom 03.03.2022.
abspielen. Laufzeit 3 minutas 30 Sekunden.

Introducir cumissiuns

In’autra pretensiun dals iniziants è dad examinar l’introducziun da cumissiuns – en spezial ina cumissiun da bajegiar – e da giuditgar la posiziun da la cumissiun da gestiun e quella dal cussegl da scola. Quellas duas instanzas vegnan oz elegidas dal parlament communal. En l'avegnir duess ina elecziun entras la populaziun esser pussaivla.

Per ch'ina tala iniziativa saja valaivla ston ils iniziants rimnar entaifer 90 dis 150 suttascripziuns. Cun 419 suttascripziuns è quai cleramain reussì.

RTR novitads 08:00 +

Artitgels legids il pli savens

Scrollar a sanestra Scrollar a dretga