Siglir tar il cuntegn

Header

audio
Team d'organisaziun: Sarah Leonor Müller, Lea Suter ed Adi Blum.
Or da Actualitad dals 13.08.2022.
laschar ir. Durada: 2 minutas 42 Secundas.
cuntegn

«Ilanzer Sommer» Il team d'organisaziun è cuntent

Il lieu da sentupada, «Haus der Begegnung», tar la claustra da Glion è puspè stà en il segn da la cultura da pasch. Il tema da quest onn era cultura da discussiun, per tudestg «Gesprächskultur».

Las occurrenzas en connex cun l'«Ilanzer Sommer» èn quest onn puspè sa fatschentadas cun il tema da pasch e surtut cun la cultura da pasch. Uschia hai puspè dà guidas tematicas, referats, discussiuns, films e concerts. Il festival ha entschet sonda ils 7 d'avust ed ha cuzzà ina emna.

Cun la segunda ediziun ha l'«Ilanzer Sommer» definitivamain tschiffà pe a Glion. Tenor Adi Blum, il maina fatschenta, sajan las cifras d'osps creschidas in zic quest onn. Las organisaturas e l'organisatur vulan percunter empruvar da cuntanscher dapli glieud or da la regiun. Quai quintan els far cun integrar pli fitg il rumantsch en il marketing e sche pussibel en las occurrenzas. Ina terza ediziun è en vista.

Il film documentar: In sguard critic sin il mund

audio
Ilanzer Sommer: Film davart la libertad da pressa
ord Actualitad dals 13.08.2022.
laschar ir. Durada: 4 minutas 15 Secundas.

Il film documentar haja ina fitg gronda muntada per il dialog. En la seria da films documentars tar la «stad da pasch» èn vegnids mussads films internaziunals en il Cinema Sil Plaz. In da quels films è «Silence radio», sin rumantsch radiosilenzi. Il film da la reschissura da Genevra cun origins mexicans, Juliana Fanjul, mussa l'istorgia da la schurnalista mexicana da renum, Carmen Aristegui. Lezza aveva purtà a la glisch en il 2015 in'affera da corrupziun da l'anteriur president dal Mexico. Sin quai ha ella pers sia plazza tar il radio. Sco reacziun ha ella mess en pe in'emissiun en l'internet. Ella e ses team han uschia cumbattì per lur libertad d'expressiun. La lavur da schurnalistas e schurnalists en il Mexico saja savens privlusa. Adina puspè vegnan schurnalists assassinads. Era al team da Carmen Aristegui è vegnì smanatschà.

En il 2022 hai gia dà nov schurnalists assassinads en il Mexico. Quai vul dir, dapli ch'in schurnalist per mais. Tge ch'è enorm.
Autur: Juliana Fanjul reschissura da films documentars

Il film «silence radio» ha procurà per ina discussiun animada. Il Lumnezian Corsin Blumenthal è er stà envidà per la discussiun. El lavura per ina organisaziun nunguvernamentala che sustegn tranter auter schurnalistas e schurnalists en l'America centrala.

Cumbinar differentas culturas e differents stils da musica

Il project intercultural da Fortunat Frölich cun il titel «Leh Ya Jarè revisted» è suenter 30 onns puspè vegnì en la claustra da las Domenicanas a Glion. La versiun nova è vegnida mussada dal chor «InteR kultuR» communabel cun in chor d’uffants surregiunal, ma era cun musicists dal Maroc ed in ensemble da musicists indigens e la finala d’ina DJane ch’ha accumpognà cun musica electronica.

audio
Prevista cun Fortunat Frölich
ord Actualitad dals 06.08.2022.
laschar ir. Durada: 3 minutas 48 Secundas.

Gist quella cumbinaziun tranter las culturas, tranter ils differents stils da musica, ma era tranter las generaziuns saja la finamira dal project, ha accentuà il musicist e cumponist grischun Fortunat Frölich. Cura ch’ils organisaturs dal «Ilanzer Sommer» hajan dumandà el da far ina producziun, saja spert stà cler ch’el veglia anc ina giada mussar il project «Leh Ya Jarè» ma or d'ina nova perspectiva. Las producziuns èn vegnidas mussadas la dumengia passada a Glion ed alura ils proxims dis a Cuira ed a Turitg.

RTR actualitad 08:00

Artitgels legids il pli savens

Scrollar a sanestra Scrollar a dretga