Siglir tar il cuntegn

Header

arschiglia La installaziun Veta da Gerhard Heisler che tschiffa cun l'egliada era las baselgias da Trun e Nossadunna
Legenda: La installaziun Vita, da Gerhard Heisler che tschiffa cun l'egliada era las baselgias da Trun e Nossadunna RTR, L. Livers
cuntegn

Surselva Ils artists visitan la senda d'art a Trun

Inscunter d’artists sin la senda d’art a Trun. Sis artists exponan novas ovras.

La senda d'art a Trun exista dapi nov onns. l'idea fundamentala era da midar ora sche pussaivel mintga dus onns las sculpturas. Quai è dentant strusch da realisar. Cun ils onns ha quai simplamain dà in'atgna dinamica, ed i ha adina puspè novas sculpturas sin la senda d'art. Ussa han gist 6 artists tschentà novas sculpturas.

«Quai è sta la chaschun d'organisar ina sentupada cun ils artists»

Sco quai che Renata Decurtins la suprastanta da la vischnanca da Trun e responsabla per la senda d’art ha detg ad RTR, daja strusch la pussaivladad per ils artist da s’entupar e s’inscuntrar. Mintgin vegn e montescha sia sculptura e va. Quella giada decleran els in a l’auter lur art. Ursi Vincenz l’artista d’Andiast, s’entaupa uschia cun Gerhard Heisler da la tiara tudestga ni cun Lucienne Decurtins da Turitg. Gieri Schmed e Gerhard Heisler discurran cun Agnes Indermaur. Quest barat da cultura è sco Renata Decurtins di fitg fritgaivel, ed ils resuns ch’ella ha survegnì sajan positivs, ha ella manegia.

La senda d'art a Trun sco ella sa preschenta ussa, porscha 59 sculpturas e quai sin 1,5 kilometers.

Artitgels legids il pli savens

Ir a sanester Ir a dretg