Siglir tar il cuntegn
cuntegn

Surselva Ils da Breil deploreschan la demissiun dal plevon inamurà

Per amur da l'amur tar ina dunna perda Breil lur plevon.

Legenda: Guardar il video Il plevon da Breil banduna la plaiv pervia da l'amur. Durada 02:08 minutas.
Or da sil punct dals 16.07.2018.

Il plevon da Breil ha suenter lungas ponderaziuns sa decidì dad abditgar. El veglia viver a moda publica la relaziun cun ina dunna. Quai ha Marcel Köhle ditg dumengia durant messa. Ina communicaziun che ha consternà blers. La plaiv deplorescha la perdita da ses plevon.

Jau respect sia decisiun e ses curaschi da dir: Quai sun jau, jau na poss betg far auter ed jau na poss betg ma zuppar.
Autur: Sep Cathomaspresident da la plaiv da Breil
Jau admir il curaschi ch’el ha gì e poss mo giavischar ad el tut bun per l'avegnir.
Autur: Passanta a Breil
Jau sun persvas che Sur Marcel stess qua vinavant e fiss in super plevon cun ina dunna daspera.
Autur: Passant a Breil
El sa deva giu cun tut la glieud.
Autur: Passant a Breil
Quai è fitg donn ch'ina tala persuna banduna nus, nus laschain encrescher per el.
Autur: Passant a Breil

RR actualitad 17:00