Siglir tar il cuntegn

Header

Navigaziun

Legenda: Tadlar il audio Bunura: Giuventetgna da Medel sa fatschenta cun il futur. Durada 02:35 minutas.
02:35 min, Actualitad dals 10.04.2019.
cuntegn

Surselva Ils giuvenils da Medel tschertgan ina schliaziun per l’avegnir

Tge fatschenta la generaziun giuvna enta Medel? Co resta la val era en avegnir in lieu attractiv per viver? Cun questas dumondas èn giuvnas e giuvens da Medel sa fatschentads en in lavuratori. La suprastanza communala e students da la scol’auta da Turitg ZHAW han accumpagnà els.

En il lavuratori han ils giuvenils tractà quatter temas: Qualitad da viver, abitar, lavur e provediment/infrastructura. Suenter han els rimnà ideas per l'avegnir sco per exempel in bus da notg, abitaziuns per giuvenils, famiglias e seniors, pudair lavurar a chasa, nizzegiar la chasa veglia da scola a Platta per las uniuns ubain in festival rumantsch cun in cuntegn da la val.

Il lavuratori
Legenda: Il lavuratori RTR, Hubert Giger

Lavur e finanzas per realisar in project

Il president communal Rico Tuor di, che la vischnanca veglia lavurar pli stretgamain cun la giuventetgna e ch’ins possia sustegnair projects.
Yvonne Pirchl da la scol’auta da Turitg di, ch'i dovria blera lavur e finanzas per realisar in project. Ils students veglian sviluppar enavant intgins projects fin l’october. Mo realisar quels stoppian alura las persunas che vivan en la regiun.

RR Actualitad 08:00