La construcziun dal nov center da cumpras en la zona d’industria Islas a Schluein avanza cun gronds pass. Avant curt èsi vegnì festivà la ventschida e, sco il mainaproject Conradin Rüegg da la Isla Schluein Immobilien SA ha confirmà ad RTR, è l’avertura planisada ils 10 da mars 2016. Confermads èn era ils 6 locataris dal center da cumpras:
- Landi Grischun SA
- Müller Drogeriemarkt
- Lidl (cun la stizun la pli gronda e moderna da Lidl en Svizra)
- Pasternaria Caduff
- Denner
- Bingo (butia da chalzers)
Sco Conradin Rüegg ha infurmà vinavant, vegn la Landi ad avrir sia butia gia ils 18 da favrer 2016. Quai per pudair entschaiver cun la vendita da semenza.