Ils mulins molan per la tur da Stoffel

La revisiun dal plan da zonas ch’è en preparaziun, è la davosa giada ch’il pievel po decider sur da la tur gigantica da Val s. Pieder.

Visualisaziun da la tur ed il parc da la 7132 SA Bild in Lightbox öffnen.

Legenda da maletgs: Visualisaziun da la tur ed il parc da la 7132 SA mad

Il pievel stoppia vegnir infurmà detagliadamain sur da quellas midadas da quella zona, di Stefan Schmid il president da vischnanca da Val s. Pieder. Las preparaziuns per questa revisiun en lantschadas.

Autezza

Puncts dispitaivels en ina giada, l’autezza da quest bajetg cun 381 meters vairamain in gigant. La revisiun dal plan da zonas prevesa ch’i sto dar midadas tar las cifras d’utilisaziun per che la tur possia vegnir bajegiada uschè auta.

Il vitg da Val s. Pieder cun ils tetgs da crappa da Val Avrir maletg en lightbox.

Legenda da maletgs: Nagin sa propi s’imaginar co la tur da Remo Stoffel s’integrass en vitg RTR, L. Livers

Geologia

Plinavant dovri ina expertisa geologica per questa regiun. I sa tracta qua d’ina zona da protecziun per la funtauna d’aua da Val. Questa funtauna e la basa per il manaschi da l’hotel e per la Valserwasser SA.

Anc n’è quest expertisa betg avant maun. Sco quai che Stefan Schmid di vegni l’emprima examinaziun dal chantun fatga era senza quest expertisa. L’expertisa geologica stoppia dentant vegnir integrada en questa revisiun e quai anc avant ch’ella vegn sin votaziun.

Bonitad da Remo Stoffel

Gia l’emprim sboz da la revisiun da la zona da planisaziun cuntegn explicaziuns sur da la bonitad da Remo Stoffel. Quai sajan normalas premissas per projects en quella dimensiun di Schmid. Uschia haja la vischnanca pretendì che la finanziaziun stoppia esser garantida. Plinavant ha la vischnanca era tschentà dumondas che pertutgan ina eventuala renaturalisaziun d’in tal bajetg.

Anc è la vischnanca vidlonder da rimnar tut questas infurmaziuns, la fin da quest mais quinta Stefan Schmid da pudair surdar quests documents al chantun per l’emprima examinaziun da lezza vart. Sin il pli baud quest atun duai il pievel da Val pudair decider en chaussa.