La fin dals onns sessanta, entschatta settanta - cura exact n'è betg enconuschent - èn vegnids plantads a Sagogn 40 pigns blaus en in curtin sper il vitg. Toni Cavelti, l'hotelier da Sagogn che manava l'hotel Cresta Palace a Schlarigna, aveva laschà plantar ils pigns blaus per duvrar la dascha da far decoraziuns en ses hotel.
Ussa è il guaud da pigns blaus varga 40 onns vegls ed el è in zichel ester en la vischnanca da Sagogn. Sagogn è tschinclà en da pumera e quels 40 pigns na tutgan betg tiers. Perquai ha la Pro Sagogn dumandà ils possessurs da dismetter ils pigns e remplazzar els cun pumera cun bist aut. Questa acziun haja strusch chaschunà critica, manegia Alois Poltera, il president da la Pro Sagogn.
RR actualitad 07:00